-
2014-09-28 13:04
ჟურნალისტი ბექა ელბაქიძე "ფეისბუქის" საკუთარ გვერდზე წერს,რომ დიდუბის ერთ–ერთ ბაღში აღმზრდელმა 4 წლის ბავშვი სცემა, დირექტორმა კი განაცხადა, რომ მასწავლებელს ოჯახური პრობლემები აქვს და ნერვები არ უვარგა!
"მივმართავ ჟურნალისტებს, ტელე-პროდიუსერებს, იურისტებს, "სამოქალაქო სექტორს"
ეს 4 წლის გაბრიელია, აუტისტი, გუშინ, ის საბავშვო ბაღის მასწავლებელმა სცემა, დაზიანებებს ადვილად შეამჩნევთ სახეზე. სკოლის დირექტორმა განაცხადა, რომ მასწავლებელს ოჯახური პრობლემები აქვს და ნერვები არ უვარგა! პატრულმა არანაირი რეაგირება არ მოახდინა!
მოქმედება ხდება დიდუბეში, ბაქრაძის ქუჩაზე მდებარე სკოლა "სადუნში" (მანამდე პერმანენტულად მიმდინარეობდა აუტისტი ბავშვის დისკრიმინაცია, მშობლები აპროტესტებენ - ჩვენი შვილები ავადმყოფ ბავშვთან არ იყოსო")", - წერს ელბაქიძე.
ელბაქიძის ინფორმაციით, შემთხვევა სკოლა "სადუნთან" არსებულ საბავშვო ბაღში მოხდა.
"ფეისბუქში" მიმართვა აუტიზმის სპექტრის აშლილობის მქონე ბავშვის დედამაც გაავრცელა.