2014-09-05 15:21

ხაშურის რაიონის სოფელ ოსიაურთან ავტოსაგზაო შემთხვევას სამი ადამიანის სიცოცხლე ემსხველა. დაღუპულები არიან ბალავაძეების ოჯახის სამი წევრი: ცოლ-ქმარი და ცხრა თვის ბავშვი. აღნიშნულ მანქანაში მყოფი კიდევ ერთი პირი ჯემალ ბალავაძე დაშავებულია.

ინფორმაციას ,,ინტერპრესნიუსი“ ავრცელებს. სააგენტოს ცნობით, თბილისიდან სამტრედიისკენ მიმავალ "დეუს" მარკის ავტომობილს საპირისპირო მხრიდან მომავალი "ტოიოტას" ჯიპი შეეჯახა.

ავტომობილსი მყოფი დაშავებული იხსენებს, რომ ნელა მოძრაობდნენ, რა დროსაც საპირისპირო გზიდან მომავალი "ტოიოტას" ჯიპი მათ სავალ ნაწილზე გადმოვიდა და შეეჯახა.

სააგენტოს ცნობით, ვრცელდება ინფორმაცია, რომ ჯიპი ერთ-ერთი სამთავრობო უწყების დაცვის მანქანაა, თუმცა ოფიციალურად ეს ინფორმაცია ჯერჯერობით არ დასტურდება.