2014-09-04 22:34

რუსეთის არმიამ მარიუპოლის აღმოსავლეთ მისადგომებს საარტილერიო ცეცხლი გაუხსნა. ამ დროისთვის რუსეთის არმიისა და სეპარატისტების ერთობლივი იერიშის შედეგად განადგურებულია უკრაინის არმიის რამდენიმე ბლოკ-პოსტი, არის დანაკარგები უკრაინულ ბატალიონ "აზოვშიც".

რუსეთისა და ე.წ. დონეცკის სახალხო რესპუბლიკის არმიები მარიუპოლს აღმოსავლეთიდან უტევენ. გააფთრებული შეტაკებები გაიმართა სოფელ შიროკინოსთან, რომელიც ნოვოაზოვსკსა და მარიუპოლს შორის მდებარეობს. 

ამის შემდეგ რუსმა სამხედროებმა მარიუპოლის მიმართულებით საარტილერიო დანადგარები წასწიეს და აღმოსავლეთ მისადგომებს უკვე "გრადის" ჭურვებს ესვრიან.

მარიუპოლზე იერიშის მიტანის ამსახველი კადრები ინტერნეტით ვრცელდება.