2014-07-23 22:08

,,სოზარი ბუნებით ჰუმანური ადამიანია და მასში მოჭარბებულია ადამიანური გრძნობები, ამიტომ კარგად იყო მოფიქრებული სოზარის დანიშვნა ბატონი ბიძინა ივანიშვილის მიერ,”-  განაცხადა საქართველოს პრემიერ-მინისტრმა ირაკლი ღარიბაშვილმა "პოლიტიკის დროში" სამთავრობო ცვლილებებზე საუბრისას. 

როგორც პრემიერმა აღნიშნა, სოზარ სუბარი ჰუმანური ადამიანია და ეს მის მუშაობის პერიოდსაც დაეტყო, ღარიბაშვილი იმედს იტოვებს , რომ სუბარი დევნილებზეც ასევე იზრუნებს.

"სოზარმა მართლაც ბევრი რამ გააკეთა, მან რადიკალურად შეცვალა იქ მიდგომები და ციხე გახადა აბსოლუტურად გამჭვირვალე, იმაზე მეტად გამჭვირვალე, ვიდრე ეს არის ჩვეულებრივ, დემოკრატიულ სახელმწიფოებში.

მან ძალიან გააუმჯობესა პატიმრების მდგომარეობა და ამაზე დღე და ღამე ზრუნავდა, პირდაპირი მნიშვნელობით – ეს იქნებოდა მათი ჯანმრთელობა, კვება თუ სხვა. სოზარი ბუნებით ჰუმანური ადამიანია და მასში მოჭარბებულია ადამიანური გრძნობები, ამიტომ კარგად იყო მოფიქრებული სოზარის დანიშვნა ბატონი ბიძინა ივანიშვილის მიერ. სოზარმა თავის საქმე გააკეთა ამ უწყებაში, 180 გრადუსით შეცვალა ის, მთელი რიგი ფუნდამეტური ცვლილებები განახორციელა, ახლა კი საჭირო გახდა მისი რესურსის და პოტენციალის გამოყენება სხვა მიმართულებით. ", - განაცხადა ირაკლი ღარიბაშვილმა .