-
2014-07-23 19:26
პრემიერი ვალდებული არ იყო წინასაარჩევნო კამპანიისას მორატორიუმი გამოეცხადებინა, ეს მისი კეთილი ნება იყო, მაგრამ თუ ვინმე არღვევს კანონს იქ მორატორიუმი აღარ მოქმედებს, –განაცხადა იუსტიციის მინისტრმა თეა წულუკიანმა.
მისი თქმით, უგულავა სწორედ ქვეყნიდან მიმალვას ცდილობდა და ამ შემთხვევასი ვერანარი მორატორიუმი ვერ იმოქმედებდა.
,,პრემიერის მიერ გამოცხადებული მორატორიუმი იყო პოლიტიკურად კეთილი ჟესტი. ეს არსად არ წერია კანონში და, შესაბამისად, პრემიერს არ ევალებოდა ამის გაკეთება, მაგრამ მან ეს გააკეთა. ეს კარგი ნაბიჯი იყო და ძალიან ბევრ რამეში გააუმჯობესა საარჩევნო გარემო. თუმცა, თუ ვინმემ და ვინმემ - სახელად უგულავამ დაიწყო ცრუ მოძრაობები და დღე ერთი იყო და ორჯერ იმყოფებოდა აეროპორტში და ცდილობდა ქვეყნიდან მიმალვას, რა თქმა უნდა, აქ მორატორიუმი ვერ იმოქმედებდა. მორატორიუმი არ იყო იმუნიტეტი, ამიტომ სამართალდამცავმა ორგანოებმა მიიღეს ის გადაწყვეტილება, რაც მიიღეს. მე ამ გადაწყვეტილებას მხარს ვუჭერ და ვთვლი, რომ უგულავამ პასუხი უნდა აგოს მთელი სიმკაცრით იმ ქმედებებისთვის, რაც მას დაუდგინდება, რომ აქვს ჩადენილი", - განაცხადა წულუკიანმა და დაამატა, რომ სასამართლო არის დამოუკიდებელი და თავად განსჯის - რა აქვს ჩადენილი უგულავას და რა არა.