ძაღლის ყეფისგან შეწუხებულმა მამაკაცმა კავკასიური ნაგაზი ცეცხლსასროლი იარაღით მოკლა. შემთხვევას მცირეწლოვანი გოგონა შეესწრო.
ინფორმაციას „კვირა“ ორგანიზაცია „სრულიად საქართველოს ცხოველთა დაცვის საზოგადოების“ თავმჯდომარემ ვახტანგ მამალაძეზე დაყრდნობით ავრცელებს.
„სრულიად საქართველოს ცხოველთა დაცვის საზოგადოებამ“ აღნიშნული ფაქტის შესახებ ინფორმაცია პოლიციას უკვე მიაწოდა და ისინი ძაღლის მკვლელი ვალერი ლომინაშვილის სსკ 259-ე მუხლით დასჯას მოითხოვენ. მამალაძის თქმით, საქმეს აწარმოებს გამომძიებელი გიორგი გაბრიჩიძე, რომელსაც არ სურს საქმე სისხლის სამართლის კოდექსის 259-ე მუხლით აღძრას.
ინფორმაცია მიეწოდა პოლიციას. საქმეს აწარმოებს გამომძიებელი გიორგი გაბრიჩიძე, რომელსაც არ სურს საქმე აღძრას სისხლის სამართლის კოდექსის 259-ე მუხლით. თვითმხილველები ამ ფაქტთან დაკავშირებით შოკირებულები არიან და ობიექტურ გამოძიებას ელოდებიან, რომ დამნაშავე დაისაჯოს. მე დავუკავშირდი გამომძიებელს, მან არ ისურვა გასაუბრება და პასუხის გაცემა“, - განაცხადა ვახტანგ მამალაძემ.
პატრონებისგან ან მეზობლებისგან ცხოველის მკვლელობა საქართველოში ხშირად ხდება, გასულ წელს მსგავსი შემთხვევა ზესტაფონსა და საგურამოში იყო.
ცხოველისადმი სასტიკი მოპყრობა, რამაც მისი დაღუპვა, ან დასახიჩრება გამოიწვია, აგრეთვე ცხოველის წვალება, ისჯება ჯარიმით, ან გამასწორებელი სამუშაოთი ვადით ერთ წლამდე. ქმედება, ჩადენილი ჯგუფურად, არაერთგზის ან მცირეწლოვნის თანდასწრებით, ისჯება ჯარიმით ან თავისუფლების აღკვეთით ვადით ორ წლამდე.