-
2014-07-16 14:09
ვიცე-პრემიერის თქმით, მისთვის გაუგებარია პრეზიდენტის განცხადება ეროსი კიწმარიშვილის მკვლელობასთან დაკავშირებით.
მისივე ინფორმაციით, მომხდარზე მიმდინარეობს გამოძიება და დადგინდება ეს მკვლელობა იყო თუ თვითმკვლელობა.
„ჩემთვის პირადად გაუგებარია გიორგის ეს განცხადება. კიდევ ერთხელ ვიმეორებ, მიმდინარეობს გამოძიება და დადგინდება, ეს მკვლელობა იყო თუ თვითმკვლელობა. ამიტომ, დაველოდოთ გამოძიებას და ამის შემდეგ შესაძლებელი იქნება კომენტარის გაკეთება“, - განაცხადა კალაძემ.
შეგახსენებთ, რომ საქართველოს პრეზიდენტმა ეროსი კიწმარიშვილის გარდაცვალებას მკვლელობა უწოდა.
„დამატებითი ინფორმაცია არ მაქვს, მე მინდა, ბატონი ეროსის ოჯახს, მის ახლობლებს მივუსამძიმრო ეს ტრაგიკული ფაქტი. აუცილებლად, უსწრაფესად უნდა მოხდეს გამოძიება.
ბუნებრივია, ამ საზარელ მკვლელობას პასუხი უნდა გაეცეს და პირველ რიგში, მე ვიზიარებ ბატონი ეროსის ოჯახის მწუხარებას”, - განაცხადა პრეზიდენტმა.