საქართველოს ვიცე-პრემიერი კახა კალაძის განცხადებით, ,,რუსთავი 2“ -ს ინფორმაცია ელექტროენერგიის ტარიფის შესაძლო გაძვირების შესახებ, სიცრუე.
"გუშინ მქონდა საუბარი მარეგულირებლის ხელმძღვანელთან, მიმდინარეობს ტარიფის გადათვლა. ჩვენ გუშინ ვნახეთ, განსაკუთრებით "რუსთავი 2"-ის ეთერში მიზანმიმართული კამპანია იმასთან დაკავშირებით, რომ ტარიფი იზრდებოდა და ეს არის სიცრუე.
ვფიქრობ, რომ ეს სიახლე არ არის, რომ "რუსთავი 2" მიზანმიმართულად ახორციელებს სიცრუის პროპაგანდას, ეს არის მანქანა, რომელიც წლების განმავლობაში ჩამოყალიბდა სიცრუეზე დაფუძნებული, რომელსაც წინა ხელისუფლება ძალიან კარგად იყენებდა სათავისოდ.
მინდა მივართო ჩვენი ქვეყნის მოსახლეობას, არ დაუჯეროს იმ ცრუ განცხადებებს, რასაც "რუსთავი 2" აკეთბდა გუშინ. ტარიფი არ შეიცვლება, დარჩება შემცირებული ტარიფი, რომელიც ჩვენი ხელისუფლების მოსვლის დროს განხორციელდა", - განაცხადა კახი კალაძემ.