იტალიის ქალაქ ნოვარას პოლიციამ ფართომასშტაბიანი სპეცოპერაციის ფარგლებში ორგანიზებულ-დანაშაულებრივი ჯგუფის 44 წევრი დააკავა. ამის შესახებ ინფორმაციას ჩარაბინერი.იტ ავრცელებს.
ნოვარას პოლიციის ინფორმაციით, დაკავებულთა შორის ძირითადად ქართველები არიან, რომლებიც ე.წ. "რუსულ მაფიას" მიეკუთვნებიან და ჩრდილოეთ იტალიაში ძარცვავდნენ ბინებს.
სპეცოპერაციის დროს 45 კილოგრამი ოქროს სამკაული და 200 კგ-ზე მეტი ვერცხლისა და სხვადასხვა სახის ძვირფასეულობა ამოიღეს.
საერთო ჯამში, პოლიციამ 3 მილიონ ევროზე მეტი ღირებულების ქონების კონფისკაცია მოახდინა.