2 ივლისს „ერთიანი ნაციონალური მოძრაობის" წევრები კიევში მიემგზავრებიან. ისინი ოფიციალურ შეხვედრებს გამართავენ პარტია „უდარ“-ის წევრებთან და კიევის მერთან ვიტალი კლიჩკოსთან.
შეხვედრაზე საუბარი უკრაინაში დაგეგმილ რეფორმებს შეეხება, სადაც „ნაციონალური მოძრაობის“ წარმომადგენლები კოლეგებს გამოცდილებას გაუზიარებენ.
ასევე, შეხვედრები გაიმართება უკრაინაში მყოფ ქართულ დიასპორასთან.
3 ივლისს პარტიის წევრები უკრაინის პატრიარქ ფილარეტს შეხვდებიან.