2014-07-02 10:44

როგორც ყოფილი პარლამენტარი კობა ბექაური ამბობს,  ტერმინალი „ოპიზა“, მან კოდუების მხრიდან ზეწოლის შედეგად გაასხვისა. ამის შესახებ ბექაურმა ტელეკომპანია “იმედის” ეთერში ისაუბრა.

 მისივე განმარტებით, იძულებით გაყიდული ტერმინალის ტერიტორიაზე მათ სამკერვალო ფაბრიკა გახსნეს.

 „როცა მე წამოვედი პარლამენტიდან საკუთარი ბიზნესი მქონდა. ახლა ვის აქვს ეს ბიზნესი? ვის უნდოდა ამ ბიზნესის ხელში ჩაგდება, ეს ცნობილია. ისიც ცნობილია თუ ვინ ზის ახლა იმ ტერიტორიაზე. ის ტერიტორია ლაურა ღაჭავამ იყიდა და ახლა იმ ტერიტორიაზე სამკერვალო ფაბრიკაა გახსნილი. მაშინ პირდაპირი მოთხოვნა იყო, რომ ლაურას უნდოდა ამ ტერიტორიის ყიდვა. მე დამიკავშირდნენ კოდუები. ძალით შეიძინეს ეს ყველაფერი და შემდეგ ეს ტერმინალი გაუქმდა. დღეს ეს ტერიტორია ლაურას საკუთრებაა“, – განაცხადა ბექაურმა.