2014 წლის ადგილობრივი თვითმმართველობის არჩევნების შემდეგ პერიოდში, ყველაზე მეტი ფულადი შემოწირულება "ქართულ ოცნებას" და "საქართველოს პატრიოტთა ალიანს" აქვთ მიღებული.
პოლიტიკური პარტიების ფინანსური საქმიანობის მონიტორინგის სამსახურის ცნობით, მიმდინარე წლის 13 ივნისიდან 30 ივნისის ჩათვლით პერიოდში პარტიამ "ქართული ოცნება – დემოკრატიული საქართველო" შემოწირულების სახით 243 022.00 ლარი მიიღო. "ქართული ოცნების" შემდეგ, ყველაზე მეტი - 51 008.50 ლარი – შემოწირულება მიღებული აქვს "საქართველოს პატრიოტთა ალიანსს". შემოწირულების ოდენობით მესამე ადგილზეა "ნაციონალური მოძრაობა", რომელმაც დროის აღნიშნულ მონაკვეთში 24 020.00 ლარის ოდენობის შემოწირულება მიიღო.
სხვა პარტიების შემოწირულებები კი ასე გამოიყურება: "ქრისტიან-დემოკრატიული მოძრაობა" - 8 731.16 ლარი, "საქართველო გზა" – 6 900.00 ლარი, "ხალხის პარტია" – 1 000.00 ლარი, "დემოკრატიული მოძრაობა – ერთიანი საქართველო" – 300.00 ლარი, "მწვანეთა პარტია" _ 90.00 ლარი.
სულ პარტიების შემოწირულებებმა აღნიშნულ პერიოდში 335 071.66 ლარი შეადგინა.
