2014-07-01 14:03

სამსაათიანი სამაშველო სამუშოების შემდეგ, საგანგებო სიტუაციების სამსახურის თანამშრომლებმა მდინარე ალაზანში, ორ დინებას შორის ჩარჩენილი 63 წლის ჯონდო ფარეულიძე გამოიყვანეს.

როგორც ფარეულიძე აცხადებს, მდინარე ალაზანი მაშინ ადიდდა, როდესაც შეშის შესაგროვებლად იმყოფებოდა. სამაშველო სამუშაოების ადგილზე იმყოფებოდა კახეთის გუბერნატორი ირაკლი შიოლაშვილიც.   

ძლიერი წვიმის შედეგად პანკისის ხეობაში მდინარე ალაზანი ადიდდა. გარესამყაროს მოწყვეტილია პანკისის ხეობის 4 სოფელი. ადგილზე მობილიზებულია ტექნიკა და მიმდინარეობს გაწმენდითი სამუშაოები.