2014-06-30 13:50

როგორც ბათუმის მერიაში განაცხადეს, „ანბანის კოშკი“ ქალაქის მერიას დაუბრუნდა და უახლოეს მომავალში ობიექტს აუქციონზე გაიტანენ. კოშკის შეძენით დაინტერესებულ მხარეებად თურქული და უკრაინული კომპანიები სახელდებიან. 

“უზურფრუქტის ხელშეკრულება ბათუმის ბულვართან გავაუქმეთ და კოშკი ბათუმის მერიას დაუბრუნდა. სავარაუდოდ, მას აუქციონით ან კონკურსის წესით გავასხვისებთ და შეთანხმებაში გარკვეულ პირობებსაც ჩავდებთ“, – აცხადებენ ბათუმის მერიაში.

ცნობისთვის, „ანბანის კოშკის” მშენებლობისთვის ბათუმის მერიისა და საქართველოს პრეზიდენტის ფონდიდან 65 მილიონი ლარი გამოიყო. კოშკის მშენებლობაზე 64 მილიონი ლარი დაიხარჯა და მასზე ესპანური კომპანია მუშაობდა.

დღეს უფუნქციოდ დარჩენილი ობიექტის მოვლისთვის ტურისტული ობიექტების მართვის სააგენტო მხოლოდ 60 000-მდე ლარს ხარჯავს. თვითმმართველობაში ადასტურებენ, რომ, სააგენტოს მთლიანი ბიუჯეტი 500 000 ლარია, საიდანაც ანბანის კოშკის მოვლა პატრონობაზე წლიურად 60 000 ლარია გამოყოფილი.

 benewsbatumi.com -ის მიხედვით