2014-06-23 23:19

ბათუმის და ქობულეთის მუნიციპალიტეტებში არჩევნების მეორე ტური დაინიშნა, რადგან „ქართული ოცნების“ გამგებლობის კანდიდატმა სუხლან ევგენიძემ 50%-იანი ბარიერი ვერ გადალახა.

როგორც „ბი ნიუსის“  წერს, ქართული ოცნების ადგილობრივი ლიდერები მეორე ტურის წაგებას არ გამორიცხავენ. წარუმატებლობაზე არ ფიქრობდა თამაზაშვილების კლანი, სწორედ ამიტომ არჩევნების მეორე ტურისთვის მოსამზადებლად აჭარის პოლიციის სამმართველოს უფროსი დათო თამაზაშვილი აქტიურად ჩაერთო.

გავრცელებული ინფორმაციით, თამაზაშვილმა  სულხან ევგენიძის საარჩევნო კამპანიაში კრიმინალური წარსულის მქონე ადამიანები (ყოფილი ე.წ პოლიტპატიმრები, ქურდული სამყაროს წარმომადგენლები, ე.წ ძველი ბიჭები) ჩართო.

ერთ-ერთი მათგანის თქმით, თამაზაშვილი დაემუქრა: თუკი სულხან ევგენიძე ვერ მოიგებს მეორე ტურში, არჩევნების შემდეგ არცერთი თქვენთაგანი არ დარჩება გარეთ და ბაჩო ახალაია სანატრელი გაგიხდებათო.

„ბი ნიუსის“ ინფორმაციით, ანალოგიური შეხვედრა კრიმინალურ სამყაროსთან ბათუმშიც გაიმართა და მსგავსი ვითარებაა მთელ აჭარაში.

http://benewsbatumi.com/2014/06/22/%E1%83%9E%E1%83%9D%E1%83%9A%E1%83%98%E1%83%AA%E1%83%98%E1%83%98%E1%83%A1-%E1%83%9B%E1%83%97%E1%83%90%E1%83%95%E1%83%90%E1%83%A0%E1%83%98-%E1%83%A1%E1%83%90%E1%83%9B%E1%83%9B%E1%83%90%E1%83%A0%E1%83%97/