აზერბაიჯანული პორტალი haqqin.az ქართველ დეპუტატებთან დაკავშირებით ბაქოში მომხდარი ინციდენტის რეზიუმეს აქვეყნებს, ყველა არსებული ვერსია მოჰყავს და ასკვნის, რომ საქართველოს ხელისუფლებამ ოპოზიციური პარტიის დეპუტატების დისკრედიტირება გადაწყვიტა, აზერბაიჯანული მხარე კი ამაზე გაჩუმდა.
წერილის ავტორი მამედ ეფენდიევი, რომელიც დღემდე გაჟღერებულ ყველა ვერსიას განიხილავს, ყველაზე დამაჯერებლად მიიჩნევს ვერსიას, რომლის მიხედვითაც აზერბაიჯანში საქართველოს ელჩს თბილისიდან დაურეკეს და დეპუტატების დაკავება-ჩხრეკის საქმეში აზერბაიჯანული სტრუქტურების ჩაბმა სთხოვეს.
ელჩიც ასე მოიქცა და დეპუტატების დაკავების შემდეგ აზერბაიჯანულ მხარეს თანადგომას დაპირდა, ხოლო მას შემდეგ, რაც აზერბაიჯანულმა მებაჟეებმა ქართველ დეპუტატებს ვერაფერი საეჭვო ვერ უპოვეს, ქვეყნის შს მინისტრმა ელჩს უსაყვედურა - ეს რატომ გამაკეთებინეო...