2014-08-31 13:38

თუ გსურთ ათი წლით ახალგაზრდად გამოიყურებოდეთ და ამისთვის ბოტოქსის გამოყენებას აპირებთ, გირჩევთ არ  აჩქარდეთ.

ჯერ ნაკლებად რადიკალურ გზას მიმართეთ - შეგიძლიათ, ამისთვის „ჩოლკა“ გამოიყენოთ.

სტილისტთა აზრით, სწორად შერჩეულ „ჩოლკას“ ბოტოქსსა და სხვა კოსმეტიკურ პროცედურებზე უკეთ შეუძლია სახის გაახალგაზრდავება.

გამაახალგაზრდავებელი ეფექტი სახის პროპორციების შეცვლითა და თვალების აქცენტირებით მიიღწევა. ცნობილია, რომ სახეს ყველაზე მეტად შუბლსა და წარბებს შორის გაჩენილი ნაოჭები აბერებს.

თუ კოსმეტოლოგის დახმარებით მათი მოშორება შეუძლებელია, შეეცადეთ, ისინი „ჩოლკით„ დაიფაროთ.

ღიმილის დროს წარმოქმნილი ნაოჭები კი ნაკლებად „სახიფათოა“.

სხვათა შორის, ამ მეთოდს ბევრი ვარსკვლავი მიმართავდა და დღესაც მიმართავს: ოდრი ჰეპბერნი, რიანა, ბიონსე, კეიტ მოსი, შერილ კოული, კემბრიჯის ჰერცოგინია და მიშელ ობამა.

reitingi.ge