-
2015-11-18 02:40
პირველადი მონაცემებით, 32 ადამიანი დაიღუპა და 80-ზე მეტი დაშავდა ნიგერიის ქალაქ იოლაში მომხდარი აფეთქების შედეგად. აფეთქება ბაზარში მოხდა. ინფორმაციას „როიტერი“ წითელი ჯვრის ადგილობრივ ორგანიზაციაზე დაყრდნობით ავრცელებს.
ტერაქტი თბილისის დროით 23:00 საათისთვის მოხდა. მასზე პასუხისმგებლობა, ჯერჯერობით არცერთ ტერორისტულ დაჯგუფებას არ აუღია.
ადრე გავრცელებული ინფორმაციით, ნიგერიის უშიშროების ექს-მრჩეველი ექსტრემისტული დაჯგუფებების წინააღმდეგ საბრძოლველად გამოყოფილი 2 მილიარდი დოლარის მითვისებაში დაადანაშაულეს.
აღსანიშნავია, რომ რადიკალური ისლამური დაჯგუფება „ბოკო ჰარამი“, რომელიც ნიგერიის, კამერუნისა და ჩადის მიერ წარმოებული სამხედრო კამპანიის წინააღმდეგ გამოდის, ადრე მომხდარი ტერაქტების უკან დგას. გაეროს მონაცემების თანახმად, სწორედ ამ დაჯგუფების ბოევიკების თავდასხმების გამო, 2013 წლის მაისიდან ეს სამი ქვეყანა 2,5 მილიონზე მეტმა ადამიანმა დატოვა.