პრემიერმა ჟურნალისტ გელა მთივლიშვილის მიერ დასმულ შეკითხვას „ნაციონალების“ მომზადებული უწოდა. შეკითხვები საჯარო ინფორმაციების გაცემას, ნეპოტიზმსა და პრემიებს უკავშირდებოდა.
„არის თუ არა თქვენი ნათესავი ნუგზარ პაპიაშვილი - ენერგეტიკის სამინისტროს ბუნებრივი რესურსების სააგენტოს კახეთის რეგიონალური სამმართველოს უფროსად?“, - იკითხა ჟურნალიტმა, რასაც პრემიერის გაღიზიანება მოჰყვა და მან განაცხადა, რომ მთივლიშვილი ნაციონალების მომზადებულ შეკითხვას სვამდა.
ასევე დაისვა შეკითხვა პრემიებთან დაკავშიებით, რომელიც კომუნიკაციების მარეგულირებელი კომისიის თანამშრომლებზე 2013 წელს გაიცა. პრემიერმა უპასუხა, რომ ეს ნაციონალების კადრია და ის ვერ გაცემს პასუხს.
„რაც შეეხება მინისტრებზე პრემიების გაცემას, ისინი უნდა იყვნენ მოტივირებულნი. ჩვენ თუ გვინდა არაკორუმპირებული მთავრობა, უნდა მივცეთ შესაბამისი ანაზღაურება. ჩვენ ვერ გავუთანაბრებთ ჩვეულებრივი მოქალაქის ხელფასს მინისტრის ხელფასს. თქვენ გისმენთ საზოგადოება. თქვენი არასწორი ინფორმაციების შდეგად საზოგადოებაში ჩნდება განცდა, რომ რაღაცეები ხდება“, - მიმართა პრემიერმა ჟურნალისტს, ხოლო როცა ჟურნალისტი გაცემული პრემიების კონკრეტულ რიცხვებს ასახელებდა, პრემიერმა მას აგრესიული ტონი დაუწუნა და დამშვიდებისკენ მოუწოდა.
