-
2014-08-22 12:26
რუსთავის მე–6 სასჯელაღსრულების დაწესებულებაში სპეცრაზმის შესვლის ფაქტს სამინისტროში არ ადასტურებენ , თუმცა აცხადებენ, რომ პოლიცია მართლაც გამოიძახეს.
როგორც სასჯელაღსრულების დეპარტამენტის უფროსის მოადგილე თეა პერტაია ,,რუსთავი2“–თან აცხადებს, დაწესებულებაში პატიმრებს შორის დაპირისპირება მოხდა, თუმცა ციხის შენობაში სპეცრაზმი არავის შეუყვანია.
,,მსჯავრდებულებს შორის მოხდა კონფლიქტი. ერთ–ერთი მსჯავრდებული, რომელიც გამოირჩეოდა განსაკუთრებული აგრესიულობით, თანასაკნელების უსაფრთხოების უზრუნველსაყოფად სასჯელაღსრულების დეპარტამენტის თანამშრომლების მიერ გადაყვანილ იქნა მე–7 დაწესებულებაში. ხაზგასმით ვაცხადებ, რომ არცერთი სპეცრაზმელი შეყვანილი არ ყოფილა,“– განაცხადა პერტაიამ.
პატიმრების განცხადებით კი წუხელ, ღამით მე–6 დაწესებულებაში სპეცრაზმი შევიდა, მათივე ინფორმაციით ციხეში 22 დღეა, რამდენიმე პატიმარი შიმშილობს.