ბათუმში საპატრულო პოლიციის თანამშრომელი, სავარაუდოდ, ქრთამის აღების ფაქტზე დააკავეს. ინფორმაციას „ბათუმელები“ ავრცელებს. გამოცემის ინფორმაციით, პატრულის თანამშრომელი მინდია ჯ.-ძე სამსახურებრივი მდგომარეობის ბოროტად გამოყენებისთვისაა დაკავებული.
დაკავებულის ახლობლები პირად საუბრებში ამბობენ, რომ პოლიციელი ქრთამის აღების გამო დააკავეს. შსს არ აკონკრეტებს მომხდარის დეტალებს, თუმცა, პოლიციელის დაკავების ფაქტს ადასტურებს.