-
2016-07-11 18:21
სოფელ ვაჩიანში დედისა და სამი შვილის მკვლელობაში ბრალდებული 24 წლის ახალგაზრდაა და ის შსს-მ ცოტა ხნის წინ დააკავა. ბრალდებული დანაშაულს აღიარებს და ამბობს, რომ სახლში ქურდობის მიზნით, ფანჯრიდან შევიდა, ხოლო მას შემდეგ, რაც ოჯახის წევრებმა შენიშნეს, ისინი მოკლა და ხანძარი განგებ გააჩინა. ოჯახის ყველაზე უმცროსი წევრი, სავარაუდოდ, ძილში, ხანძრის შედეგად გაიგუდა.
"გამოძიებამ დაადგინა, რომ ნოდარ ა.-მ ახალქალაქის რაიონის სოფელ ვაჩიანში, ქურდობის მიზნით, ერთ-ერთ საცხოვრებელ სახლში ფანჯრიდან შეაღწია. სახლის მეპატრონემ და მისმა ოჯახის წევრებმა იგი შენიშნეს და წინააღმდეგობა გაუწიეს, რის გამოც ნოდარ ა.-მ მათ თავის არეში ბლაგვი საგნით სასიკვდილო ჭრილობები მიაყენა. ქალბატონი და მისი 2 შვილი, მიყენებული დაზიანებების შედეგად, ადგილზე გარდაიცვალნენ," - ნათქვამია შსს-ს განცხადებაში. ნოდარ ა. შსს-მ სოფელ ვაჩიანში დააკავა.