2014-10-16 12:35

მეორე დაშავებულის მეუღლის, ირაკლი ჭაღალიძის განცხადებით, მისი მეუღლე ხატია ჩანჩიბაძე თანასოფლელთან ერთად თურქეთში, ქემალფაშაში იმყოფებოდა.

„უბედური შემთხვევა ავტომაგისტრალზე მოხდა.  

დაზარალებულს ლავიწის ძვლის ოპერაცია  ბათუმში გაუკეთეს, თავის ტკივილები აქვს, სავარაუდოდ, ტვინის შერყევა მიიღო. ჩემს მეუღლეს შემთხვევის დეტალები არ ახსოვს. თუმცა, მითხრა, რომ მიკროავტობუსმა ჯერ მანანას დაარტყა, შემდეგ კი ჩემს მეუღლეს.

ის, რომ მანანა გარდაიცვალა, ჩემმა ჩეუღლემ ამ დრომდე არ იცის, ვუმალავთ. თავის არეში საშინელი ტკივილები აქვს, არ ვიცი, ოპერაციას როგორ გადაიტანს“, – აღნიშნა „კვირასთან“ საუბრისას ირაკლი ჭაღალიძემ.

პაციენტმა ავარიის შედეგად, სხეულის დაჟეჟილობა მიიღო, ხოლო შუბლისა და მენჯის არეში ჭრილობები აღენიშნება.

ავტოსაგზაო შემთხვევის შედეგად გარდაცვლილი მანანა აბრალავა-ანდღულაძე ოზურგეთის რაიონის სოფელ გურიაანთში, საკუთარ სახლში მიასვენეს. მას მეუღლე და ორი შვილი დარჩა.

მომხდარ ფაქტთან დაკავშირებით, თურქეთის სამართალდამცავებმა სისხლის სამართლის საქმე აღძრეს. როგორც „კვირას“ ირაკლი ჭაღალიძემ განუცხადა, მიკროავტობუსის მძღოლი, რომელსაც ბათუმიდან თურქეთის მიმართულებით მგზავრები გადაჰყავდა, დაკავებულია.