2014-06-26 22:37

უნდათ ქართველებმა ჯვარს დაადგან ფეხი, ამიტომ კანალიზაციის ჭების სახურავებზე ჯვრებია გამოსახული- ამბობს იაკობ გოგებაშვილის საზოგადოების ხელმძვანელი მამა კონსტანტინე.

როგორც სასულიერო პირმა ,,კვირის პალიტრასთან“ ინტერვიუში აღნიშნა, მან თბილისის საკრებულოს მიმართა და სთხოვა ჭების სახურავები, რომლებზეც ჯვარია გამოსახული არ გამოიყენონ.

,, მე გირჩევდით, იმაზე გაამახვილოთ ყურადღება, რომ ქალაქში, საკანალიზაციო ჭის თავებზე გამოსახულია ორთოდოქსული ჯვრები და ეს გაკეთდა სპეციალურად, რომ ადამიანებმა ფეხი დაადგან.

100 000 მოწამე იმიტომ ეწამა, რომ ჯვარს არ დაადგეს ფეხი და ახლა კი საკუთარი ნებით გვადგმევინებენ ჯვარზე ფეხს. საკრებულოს მივმართე, მაგრამ ვერ გავიგე, იქ რა ხდება.უნდათ, რომ ქართველებმა ჯვარს დაადგან ფეხი“- ამბობს მამა კონსტანტინე.