2014-05-31 12:03

სოციალურ ქსელ "ფეისბუქში" ერთ-ერთმა აქტიურმა მომხმარებელმა რაულ კაპანაძემ "იმედის" გადაცემა "რეაქციის" ინტერაქტივის შედეგი იმ დროს შეაჯამა, როცა პროცენტები 2012 წლის არჩევნების საპირისპიროდ იყო გადანაწილებული.

ინტერაქტივის მიმდინარეობისას ჩანდა, რომ შეკითხვაზე: "ვის აძლევთ ხმას ადგილობრივი თვითმმართველობის არჩევნებში?" - პასუხის ორ ვარიანტს შორის უმრავლესობა "ოპოზიციას" ირჩევდა, ხოლო 25.000 ზარის შემოსვლის შემდეგ დაჯამებულ პროცენტულ მაჩვენებელში, 2012 წლის საპარლამენტო არჩევნებთან მაქსიმალურად მიახლოებული შედეგი დაჯდა, ოღონდ ამჯერად - ოპოზიციის სასარგებლოდ.