2014-05-29 17:38

აჭარის პროკურატურის პროკურორების დაჯილდოების შემდეგ საქართველოს მთავარი პროკურატურის პრესსამსახურის უფროსმა თემურ დოლიძემ ჟურნალისტების შეკითხვებს უპასუხა, ხოლო როცა კონკრეტული საქმეების გამოძიების მიმდინარეობის შესახებ ჰკითხეს, განაცხადა, რომ კითხვები უმისამართოა, რადგან ჟურნალისტები მათ კოლეგებს უსვამენ.

თემურ დოლიძემ არ უპასუხა შეკითხვას მოსასმენი აპარატურის შესაძლო აღმოჩენის შესახებ უზნაძის ქუცაზე, რის შესახებაც ინფორმაცია "ქრონიკა+"-ის მთავარმა რედაქტორმა ელისო კილაძემ გაავრცელა:

"და ახლა მე გავაკეთო განცხადება იმაზე, რომ ქალბატონი ელისო ამბობს, მოსასმენი აპარატურა უზნაძის ქუჩაზე აღმოჩნდებაო? ხალხნო, მე ვარ თქვენი კოლეგა, რას მიკითხებით, ხვდებით?", - თქვა თემურ დოლიძემ.