ჟურნალისტი სოფო ნიკოლაიშვილი სტამბულის ერთერთ საუკეთესო კლინიკაში გაქურდეს. ამის შესახებ ინფორმაცია ჟურნალისტმა "პირველს" დაუდასტურა.
ნიკოლაიშვილმა აღნიშნა, რომ ქურდობის ფაქტი თურქეთის ცნობილ კლინიკაში „აჩიბადემი“ მოხდა, სადაც ის და მისი 5 მეგობარი ქალი პროფილაქტიკური გამოკვლევისთვის გაემგზავნენ.
"პეპის აპარტზე შესამოწმებლად პირველი მე შემიყვანეს. მოვიხსენი საყურე, ბეჭედი, ყელსაბამი და ოქროს ეს ნაკეთობები ჩანთის იმ ჯიბეში ჩავდე, სადაც ევროები შევინახე. პროცედურაზე შესვლის წინ, ჩემი ეს პატარა ჩანთა მეგობარს, ანას დავუტოვე. როგორც ჩანს, ყოველივე ამას ისინი თვალყურს ადევნებდნენ და როგორც კი დამაწვინეს აპარატზე და ინექციის შეყვანა დაიწყეს, ანასაც ეტაკნენ და ფორსმაჟორში სასწორზე ასაწონად დააყენეს. ამასთან, ანას ვალენტინამ თითქმის ძალით გამოართვა ჩანთა და ექიმის ოთახში შეიტანა.
იმ მიზნით, რომ ანას ჩემთვის არაფერი ეთქვა, ის კვლევაზე სასწრაფოდ შეიყვანეს. თუმცა, ეტყობა ანას სიტყვებმა იმოქმედა და კვლევიდან გამოსულს ვალენტინა მეუბნება, თქვენმა მეგობარმა აქ ერთი ამბავი ატეხა და დაითვალეთ ფულიო.
თავიდან გამეცინა, ვერ წარმოვიდგინე ასეთ პრესტიჟულ კლინიკაში თუ ქურდობას იკადრებდა ვინმე, მაგრამ ჩანთა როცა შევამოწმე, აღმოჩნდა, რომ ოქრო ადგილზე იყო, მაგრამ ჩემი გადახურდავებული 1150 ევროდან ჩანთაში მხოლოდ 600 ევრო იდო. ანას მედდის ქმედება რომ არ დაენახა, კაცმა არ იცის, ამას როდის აღმოვაჩენდი, ვერც მივხვდებოდი თანხა სად დავკარგე და იდენტიფიცირებას ვერ მოვახდენდი კლინიკასთან.", - ჰყვება ჟურნალისტი.
