2014-05-09 22:24

„თქვენგან მე ჩვენებას არ ვიღებ, თქვენგან  ჩვენებას აიღებს პროკურატურა, აიღებს იმ დროს, როცა საჭიროდ ჩათვლის და აიღებს მაშინ, როცა ჩათვლის საჭიროდ, რამდენჯერაც ჩათვლის საჭიროდ, ასე რომ დააცადეთ პროკურატურას, არის გამოძიება, რომელიც დაადგენს ყველაფერს ამ სპექტაკლის შესახებ“,

ამის შესახებ მანანა კობახიძემ „პოზიციის“ წამყვანს გიორგი გაბუნიას უთხრა, როცა ეს უკანასკნელი უხსნიდა მას, რომ შემოწმების პროცესს თავად ესწრებოდა და იქ კამერების დამონტაჟება ისე მარტივი არ იყო, როგორც ამას კობახიძე ხსნიდა:

„ეს იყო სააკაშვილის დაქვემდებარებაში მყოფი უწყება, რომელიც მოვიდა ოფისში, ამ კადრებში ვხედავთ, რომ შემოდიან დიდი კეისებით გადაადგილდებიან და კიბეც შეაქვთ, დუდუ კურდღელიამ თქვა რომ რამდენიმე საათი გრძელდებოდა ეს, მე გავდიოდი, გამოვდიოდი, თუმცა მდივანი აქ იყო..

როცა ამ ტექნიკურ სამუშაოს დაასრულებდნენ, ვერავინ ჩაეძიებოდა, რას აკეთებდნენ, კადრებში რაფერი ჩანს, რომ ისინი მხოლოდ რამეს ამოწმებენ.

თქვენივე მოწმე ამბობს, რომ ძალიან დიდხანს მუშაობდნენო. რამდენიც არ უნდა ვიმსჯელოთ, აქ მდივანი რას დაინახავდა, თქვენი დუდუ რას შეამჩნევდა, მთავარია რა უნდოდა აქ სპეცსამსახურებს, ამონტაჟებდნენ თუ ნახულობდნენ, ამას გაარკვევს გამოძიება.

ეს არის წინასაარჩევნოდ დადგმული სპექტაკლი, ბევრი ვნახეთ ასეთი სპექტაკლი, ხურჩიდან დაწყებული, „იმედიდან“ დაწყებული, ნიკა გვარამია მუშაობდა მაშინ და მართლა სული ამოხადეს ბადრი პატარკაციშვილს, ეს ხომ შეთხზული იყო...

მე რომ „რუსთავი-2“-ს არ ვენდობი, სრული საფუძველი მაქვს. მე უფლება მაქვს პოლიტიკური განცხადება გავაკეთო , ბევრჯერ დაგკითხავენ და დაიდება პასუხები.

2011 წელს შესყიდული იქნა ბიუჯეტის თანხებით, ძალიან სერიოზული მოსასმენი აპარატურა, ისეთი პორტატული აპარატურა, რომელიც არ საჭიროებს შნურებით შეერთებას, აი ეს აპარატურა არ ირიცხება შს სამინისტროს ბალანსზე, როცა იქ შევიდა ღარიბაშვილი, ეს აპარატურა იყო გატანილი, ეს აპარატურა ვიღაცას სჭირდება, სპეცსამსახური სააკაშვილს ექვემდებარებოდა, რას უსმენდა კაცმა არ იცის...“, - განაცხადა „პოზიციაში“ მანანა კობახიძემ.