2015-07-30 23:20

ცნობილი სიმღერა, რომელიც ინტერნეტში, ძირითადად, თენგიზ ფულარიანის შესრულებით ვრცელდებოდა, დნეპროპეტროვსკში მუსიკოსთა ჯგუფმა ქართულად შეასრულა. 

სიმღერამ "დავბრუნდებით აფხაზეთში" არავინ დატოვა გულგრილი. არაპროფესიონალი მომღერლის მიერ დაწერილი სიტყვები განსაკუთრებით გულშიჩამწვდომია დევნილებისთვის.

"აფხაზეთში მეომარი, მეც დავკარგე მეგობარი,
მისი სახე თქვენც კი გემახსოვრებათ..." - მღერის ის, ხოლო იმას, რასაც ვერ ამბობს, ასევე არაპროფესიონალის მიერ გადაღებული მისი თვალები ამბობენ.

"სოხუმელი კაცი ვიყავ,
სოხუმელი აღარ ხარო,
ჩემს მიწაზე გამიმწარეს ცხოვრება,
საქართველოში მიწოდეს
დევნილი და უსახლკარო,
შენ დაგარქვან - როგორ მოგეწონება?", - სიმღერაში ასეთი სტროფიცაა.

ცნობილია, რომ სიმღერა 1997 წელსაა შექმნილი და მასზე კლიპიც გადაიღეს. სიმღერა ავტორმა გიორგი ბარამაშვილმა დაწერა, ზურაბ ჟვანიას თხოვნით, თუმცა, ის პოპულარული გახდა სწორედ ფულარიანის შესრულების შემდეგ, ამიტომ, უკრაინელებიც სწორედ მის სტილში ასრულებენ.