-
2014-01-31 03:17
„საიდან გაგიგია შიმშილი? რა იცი, მშიერი ბავშვი როგორ ტირის? რა იცი, როგორია ცხოვრება სიღარიბის ზღვარზე, როცა დაქირავებული მძღოლი გყავს მანქანაზე?“, – ამ კითხვებით პოპულარული რეპერი „ტუზი მაქცია“ ბერა ივანიშვილს მიმართავს.
„ტუზი მაქციამ“ ეს კლიპი ჯერ კიდევ 2012 წლის ივნისში გამოაქვეყნა: როცა ბიძინა ივანიშვილის ვაჟიშვილის სიმღერების შესახებ კრიტიკული აზრის ხმამაღლა გამოთქმას ბევრი ერიდებოდა.
სიმღერამ პოპულარობა მოკლე ხანში მოიპოვა. პოპულარული გახდა მისი შემსრულებელიც, თუმცა, კარგა ხანს არავინ არაფერი იცოდა თავად რეპერზე სახელით tuzi maqcia.
ცოტა რამ თავად რეპერზე: მისი სახელი და გვარია ესტატე პატარიძე, ბათუმელია. მეცამეტე წელია, მღერის. ის და მისი ჯგუფი RAP RISE სკანდალურებად მიაჩნიათ. ტუზი მაქცია ამბობს, რომ ეს მოსწონს. ის პოლიტიკური ხასიათის ტექსტებითაც მღერის, თუმცა, არ გამოხატავს სიმპათია არცერთი პოლიტიკური ძალის მიმართ.
სიმღერა, რომელიც ამ მასალას ვიდეოს სახით ერთვის, რეპერმა მას შემდეგ დაწერა, რაც გამოვიდა ბერას სიმღერა ცნობილი ტექსტით, სადაც მილიარდერის შვილი ამბობს, რომ მას გამოუცდია შიმშილიც და სიცივეც, ამიტომ კარგად ესმის ხალხის, ვისაც უჭირს.