2014-11-27 12:59

მოსკოვში ე.წ. „სოხუმის კლანის“ კიდევ ერთ „კანონიერ ქურდს“, 29 წლის ირაკლი ჯაბუას, იგივე „ირაკლი როსტოვსკის“ სასტიკად გაუსწორდნენ. ამის შესახებ „პრაიმკრაიმი“ იტყობინება.

ირაკლი ჯაბუა მანქანაში მოტყუებით ჩაისვეს, ქალაქგარეთ, ტყეში გაიტაცეს, ჯოხებით სასტიკად სცემეს და ტიტულზე უარის თქმა მოსთხოვეს. საბოლოოდ, ჯაბუა გატყდა, როცა პირში იარაღის ლულა ჩაუდეს და მოკვლა დაუპირეს. მისი მდგომარეობა ამ დრომდე მძიმეა და, როგორც გამოცემა წერს, შესაძლებელია, ინვალიდადაც დარჩეს.

ეს ანგარიშსწორება ნიშანდობლივია, თუ გავიხსენებთ, რომ ირაკლი ჯაბუა „ღუტუს“, იგივე ირაკლი ყალიჩავას ნათესავია. ამასთან, ირაკლი ჯაბუა, „რეზო ჯვარსკის“ მსგავსად, თურქეთში „სოხუმის კლანის“ ქურდების შეკრებაში მონაწილეობისთვის დანარჩენ „ჰასანისტთა“ რისხვის ობიექტი კინაღამ გახდა, მაგრამ ანგარიშსწორებას მაშინ ბესო ზარანდიას ჩარევით გადაურჩა, თუმცა, როგორც ჩანს, დროებით.