2015-05-31 22:49

"ტაბულის" დამფუძნებელი თამარ ჩერგოლეიშვილი "ფეისბუქში" წერს, რომ საქართველოს მესამე პრეზიდენტის მიერ უკრაინის მოქალაქეობის მიღებას, რაც საქართველოს მოქალაქეობის დაკარგვის იმპერატიული საფუძველია, უარყოფითად აფასებს. 

"მიუხედავად იმისა, რომ უკრაინის და საქართველოს ეროვნული ინტერესები გადაჯაჭვულია და უკრაინის წარმატება საქართველოს წარმატებად მიმაჩნია, საქართველოს მესამე პრეზიდენტის მიერ უკრაინის მოქალაქეობის მიღებას, რაც საქართველოს კანონმდებლობის მიხედვით, საქართველოს მოქალაქეობის დაკარგვის იმპერატიული საფუძველია, უარყოფითად ვაფასებ.

მიუხედავად სააკაშვილის პოლიტიკური დევნისა, კარგად ნამდვილად არ გამოიყურება ის ფაქტი, რომ პოლიტიკოსი, რომელსაც საქართველოს მოქალაქეებმა ორჯერ ანდეს საქართველოს პირველი პირობა და, ჩემი აზრით, სწორადაც მოიქცნენ, საქართველოს მოქალაქეობაზე ფაქტობრივად უარს ამბობს", - წერს თამარ ჩერგოლეიშვილი.