ხელოვნებათმცოდნე, არაერთი ფესტივალის ორგანიზატორი, „პირველი არხის“ ყოფილი გენერალური დირექტორი ზაზა შენგელია მიიჩნევს, რომ საქართველომ ევროვიზიის კონკურსი უნდა დატოვოს, სანამ ხმის მიცემის სისტემა არ შეიცვლება.
„ნინას გამოსვლის შედეგი ''ევროვიზიაზე'' ზოგადად ნორმალურია არსებულ ვითარებაში (იხილეთ ჩემი ძველი პოსტები ფეისბუქზე), მაგრამ მე ვფიქრობ ასე : საქართველომ (და შესაძლოა სხვა ქვეყნებმაც მხარი აუბან,მით უმეტეს რომ ეს აზრი უკვე სერიოზულად მუსირებს ევროპის მაუწყებელთა კავშირის ქვეყნებში ) უნდა დატოვოს ''ევროვიზიის'' ბანძი კონკურსი, ხმის მიცემის ინვალიდი სისტემის შეცვლამდე, სანამ ეს სისტემა არ შეიცვლება ჟიურის კლასიკური სისტემით, როგორც ეს იყო ადრე.
ბევრი ქვეყანა, მათ შორის ავსტრია, იტალია რამოდენიმე წელი არ მონაწილეობდნენ ამ კონკურსში ამის გამო....რაც შეეხება რუსეთს: ჰმმმ, როცა უკრაინა,ზოგადად როგორც ქვეყანა არ გამოდის ''ევროვიზიის''კონკურსზე რუსეთთან ომის გამო, და ამ დროს მთელი ევროპა და კიდევ ავსტრალია ზემოდან ქულებს აძლევს რუსეთს, ეს არის ზღვარგადასული ტრაკის მიცემა ევროპის ქვეყნების მხრიდან და ისინი რუსულ ჩექმას და ტანკს იმსახურებენ, საკუთარ სამშობლოებში, რომ გამოსცადონ და იწვნიონ ის, რაც ჩვენ და უკრაინამ გამოვცადეთ....
P.S. შვედეთს ვულოცავ გამარჯვებას, მართლა კარგი სიმღერა და პერფორმანსი იყო... ნინა სუბლატს კი რაც შეეხება, ეს იყო ერთერთი საუკეთესო, ღირსეული და შთამბეჭდავი გამოსვლა საქართველოს, როგორც ქვეყნის სახელით ზოგადად. ბრავო!“, - წერს ზაზა შენგელია.
შეგახსენებთ, ევროვიზიის ფინალში საქართველოს წარმომადგენელმა ნინა სუბლატმა 51 ქულა მიიღო (საქართველოს არცერთი უმაღლესი შეფასება არ მიუღია, ხოლო 10 ქულით სომხეთმა და აზერბაიჯანმა შეაფასეს) და მე-11 ადგილი დაიკავა 40 მონაწილიდან. გამარჯვებული შვედეთი გახდა, მეორე ადგილზე რუსეთია, მესამეზე კი - იტალია.
