2015-03-15 22:00

ბიძინა ივანიშვილის განცხადებით, საქართველოში დემოკრატიული ფასეულობები და ძირითადი ღირებულებები, რომლებიც 2012 წლის 1 ოქტომბრიდან დღემდეა მიღწეული, კონკურენტუნარიანია ევროპის წამყვანი ქვეყნებისა და აშშ-ის მდგომარეობასთან ამ კუთხით.

ამის შესახებ ყოფილმა პრემიერმა ტელეკომპანია GDS-ზე, გადაცემაში „კვირის 2030“ განაცხადა. მისი თქმით, განსხვავებული სიტუაციაა ეკონომიკაში, რაც იმითაა გამოწვეული, რომ „ჩვენ სუსტი ეკონომიკა გვაქვს, ყველაფერი ის კი, რაც სუსტია, გავლენებს ექვემდებარება“.

ბიძინა ივანიშვილის განცხადებით, ეკონომიკაში არცთუ სახარბიელო სიტუაციაა, მაგრამ მან მოსახლეობას მოუწოდა, ოპტიმისტურად იყოს განწყობილი: „ჩვენ წინ გველოდება, თუ გნებავთ, ვიტყვი - გვემუქრება დიდი და სასიკეთო ეკონომიკური ცვლილებები“, - განაცხადა ბიძინა ივანიშვილმა.