ტყიბულის მაჟორიტარი დეპუტატი "ქართული ოცნებიდან" ელისო ჩაფიძე ადასტურებს, რომ კოალიციაში მას დაპირისპირება აქვს ირაკლი ტრიპოლსკისა და ოთარ აბესაძის დუეტთან. ჩაფიძე ამბობს, რომ აბესაძე ტყიბულში ხალხს მის წინააღმდეგ განაწყობს.
"რეზონანსთან" ინტერვიუში ელისო ჩაფიძე დაპირისპირების დეტალებზე საუბრობს:
„მე დღემდე მაინტერესებს, განათლების მინისტრის მრჩეველ ოთარ აბესაძეს სხვა საქმე არაფერი აქვს, რომ ტყიბულში იმყოფებოდეს და პროვოკაციებს აწყობდეს?! საკმაოდ ბევრს ატყუებს, ტყიბულელებს აწოდებს ცრუ ინფორმაციას მთავრობის მიერ გაწეულ სამუშაოებთან დაკავშირებით. მე ხალხის არჩეული ვარ და უნდა მომეცეს ჩემი უფლებამოსილების განხორციელების საშუალება.
ოთარ აბესაძე ტყიბულის საზოგადოებას ირაკლი ტრიპოლსკიმ წარუდგინა. აბესაძე მას მამას ეძახის. 2012 წელს აქციაზეც კი არ მინახავს ეს ადამიანი გამოსული. დღეს რა როლს თამაშობენ და რა ფუნქციას ასრულებენ, ეს მართლა ძალიან მაინტერესებს.
მაქვს ინფორმახია, რომ მათი მხრიდან პროვოკაციებია დაგეგმილილ ჩემს წინააღმდეგ და ასევე ადგილობრივი საკრებულოის წინააღმდეგაც აქვთ დაგეგმილი პროვოკაციები. ეს ძალა დამშვიდებულ რაიონში ცდილობს, წყალი აურიოს, მღვრიე წყალში თევზებს ვინც იჭერს, ეს ძალიან კარგად იცით, შესაძლოა გადავდგა ნაბიჯი და მოსალოდნელ პროვოკაციაზე წინასწარ ვისაუბრო“- ამბობს ელისო ჩაფიძე.
