2015-02-21 06:00

ჟურნალისტი თენგიზ გოგოტიშვილი 20 თებერვალს, უკრაინის „ღირსების რევოლუციის“ წლისთავთან დაკავშირებით ეთერში გასული ცხრასაათიანი კურიერის თემებზე სოციალურ ქსელში ზოგიერთ გამოხმაურებას პასუხობს.

„ერთი–ორი გულშემატკივრის, ვითომ გულშემატკივრისა და აშკარა ოპონენტის მოსაზრებას გავეცანი – რუსთავი 2 ახლა უკრაინის დაკარგულ მიწებს ზეიმობს და ამ დამარცხებას აცხადებს გმირობადო. ბევრი სხვა კომენტარი მაქვს, მაგრამ ახლა არ დავწერ.

მხოლოდ ერთი – დამარცხეული ომების გმირები რომ არ გყავდეთ საკუთარ ისტორიაში, ქალბატონებო და ბატონებო, საამაყო პერსონაჟები საერთოდ არ დაგრჩებოდათ. არც მაია წყნეთელი, არც 300 არაგველი, არც 9 ძმა ხერხეულიძე და არც წმ. ბიძინა ჩოლოყაშვილი, რომლის ხსენების დღემაც ასე გაგახარათ 2012 წლის 1 ოქტომბერს.

თუ რომელიმეზე იტყვით, სიკვდილის, დამარცხებისა და დამცირების ღირსი იყო, რადგან, პატარა ქვეყნის შვილმა დიდი მტრის პროვოცირება გაბედაო?“, - წერს თენგო გოგოტიშვილი.