2015-02-06 02:07

„დიახ, მე ვესაუბრები ხოლმე სააკაშვილს, თუ ეს ვინმეს აინტერესებს და ეს არ ეხება „რუსთავი-2“-ს, ჩემთვის ის საინტერესო ფიგურაა, ასევე ვესაუბრები საკმაოდ ბევრ ადამიანს ოპოზიციაში და ხელისუფლებაშიც“, - ამბობს „რუსთავი-2“-ის გენერალური დირექტორი ნიკა გვარამია „ფორბს ჯორჯიასთან“ ინტერვიუში.

„შეუძლიათ იმკითხაონ, ვინ არიან, მაგრამ საკმაოდ მაღალი თანამდებობის პირები არიან ხელისუფლებაში, მხოლოდ „ნაციონალური მოძრაობის“ წევრები არ არიან, ვისაც ვესაუბრები“, - ამბობს ნიკა გვარამია.

მისივე თქმით,ხელისუფლება ან რადიკალურად შეცვლის დამოკიდებულებას და გახდება უფრო მობილური, ან ის შეიცვლება:

„ასე დიდხანს ვერ გაგრძელდება, ეს, უბრალოდ, ბუნების კანონებს ეწინააღმდეგება“, - ამბობს ნიკა გვარამია.