გ) უპასუხისმგებლო და ანტისახელმწიფოებრივი.

სხვა რა ვთქვა? ნოდარ დუმბაძის ცნობილი ეპიზოდი მახსენდება მხოლოდ, სანადიროდ წასული ილარიონი და ზურიკელა კურდღლის ნაცვლად საწყალ მურადას რომ შეიწირავენ და მერე ილიკო რომ დეპეშას გამოგზავნის: ვაი თქვენს პატრონს უბედურს, ძაღლებზე სანადიროდ რომ წახვალთ, არ გამომაპაროთ", - წერს დავით ზურაბიშვილი. 

მოგვიანებით, კომენტარებში ის პასუხობს მოსაზრებებს, რომელთა თანახმადაც, არასამთავრობო ორგანიზაციები ხელისუფლებასთან გარიგებებში არიან დადანაშაულებული. მაგალითად, ქეთი ნემსაძე ზურაბიშვილის სტატუსს ასე პასუხობს:

"ძალიან ცდებით, ანტიენჯეოშნიკური კი არ არის, იმ კორუფციული სქემების წინააღმდეგ მიმართული კამპანიაა, რომლითაც ბოკერია და მისი თანაგუნდელები ფაქტიურად მთელ არასამთავორბო სექტორს აკონტროლებდნენ, ისე როგორც ყველა სხვა სფეროს.

თქვენ როგორ წარმოგიდგენიათ, ტოტალიტარულ ქვეყანაში, სადაც ყველაფერი მათ ექვემდებარებოდათ, ამ ნაწილს თავის ნებაზე მიუშვებდნენ? ძალიან სწორი და კარგი ქმედება დაიწყო და იმედია, მივა ბოლომდე", - რასაც დავით ზურაბიშვილის პასუხი მოსდევს:

"რა კორუფციული სქემები? ეს არის სისულელე. იმდენიც არ იციან ამ კამპანიის ავტორებმა, რომ მაგალითად ევრაზიის ფონდი ამერიკული ფონდია, ამერიკის შეერთებული შტატების ბიუჯეტიდან ფინანსდება და შვედეთის მთავრობის ინსტრუქციებს არ ასრულებს";

დავით ზურაბიშვილის სხვა კომენტარები:

"უკაცრავად, მაგრამ რაც მე დღეს მოვისმინე იმედზე, ეს კვლევა კი არაა, არამედ კორუფციაში ბრალდება, რომელიც წაუყენეს ევროკავშირის წევრ სახელმწიფოს მთავრობას, ამერიკის შეერთებული შტატების სახელმწიფო დეპარტამენტს, ამერიკის დემოკრატიულ პარტიას და კიდევ სხვა საერთაშორისო ორგანიზაციებს. 

და მართალი გითხრათ, ბასილ მკალავიშვილის დონის განაზრებები არასამთავრობოთა ძირგამომთხრელ საქმიანობაზე სერიოზულ განხილვის საგნად არ მიმაჩნია";

"რაც 17 საუკუნეში ვერ გვავნეს, ნაცებს უქნიათ თურმე 9 წელიწადში. აი, რა გინდა რომ თქვა? ისეთ დონეზეა ანტინაცური ისტერია, რომ ბევრს უკვე სერიოზულად ჰგონია, თითქოს კაცობრიობის ისტორიას ნაცმოძრაობის მმართველობაზე უფრო დიდი უბედურება არ უნახავს. რა ჰიტლერი, რის პოლ პოტი...";

"კორუფციაში ბრალდება არის იმ არასამთავრობო ორგანიზაციების წინააღმდეგ, რომელთაც აქვთ დასავლეთის ქვეყნებთან და საერთაშორისო ორგანიზაციებთან ხანგრძლივი თანამშრომლობის პრაქტიკა და რომლებიც სარგებლობენ დასავლეთის განსაკუთრებული ნდობით ამ ქვეყანაში. 

გარდა ამისა, კორუფციულ სქემაში მონაწილეობა დაბრალდა შვედეთის მთავრობას, ამერიკის მთავრობის დაფუძნებულ ფონდს და ამერიკის დემოკრატიული პარტიის წარმომადგენლობას საქართველოში.

ამის შემდეგ თუ ვინმე იტყვის, რომ ეს არ არის ანტიდასავლური კამპანია და აბა რა არის?

და მთელ ამ ქვეყნებს და ორგანიზაციებს რომ თურმე მიშა და ბოკერია ატრიალებენ თავის იშტაზე, ის კიდევ ცალკე ამბავია..."