2020-02-06 14:07

მსოფლიოს საუკეთესო ძალოსანს ლაშა ტალახაძეს რაც დააწიეს პრემიერ გახარიასთან ფოტოს გადაღების გამო,

არ მომეწონა, - ამის შესახებ ფოტოგრაფი გოგა ჩანადირი სოციალურ ქსელში წერს, რითაც  ბოლო პერიოდში

ტალახაძის  მისამართით გაჟღერებულ ნეგატიურ განცხადებებს ეხმიანება.

"არ ვფიქრობ, რომ სწორია ადამიანის მოძულება პოლიტიკური ნიშნით ან მოწონების გამო.

არ ვფიქრობ, რომ სწორია ადამიანის მოძულება მიუღებელ პოლიტიკურ ფიგურასთან შეხვედრის ან

ფოტოს გადაღების გამო, თუ ის საქართველოს მტრის წისქვილზე არ ასხამს წყალს.

მსოფლიოს საუკეთესო ძალოსანს ლაშა ტალახაძეს რაც დააწიეს პრემიერ გახარიასთან ფოტოს გადაღების გამო,

არ მომეწონა.

მე არ მომწონს მოქმედი სპორტსმენების პოლიტიკაში გარევა, მაგრამ თუ გაერივნენ, არც ამის გამო ვიძულებ.

ყველა ადამიანს აქვს მხარედ ყოფნის უფლება. ვერც იმის გამო გავკიცხავ სპორტსმენს, რომ მნიშვნელოვან

სახელმწიფო ფიგურას ხვდება.

ელემენტარულია, არამხოლოდ საქართველოს, მსოფლიოს საუკეთესო სპორტსმენს მისალოცად პრემიერი ხვდებოდეს.

ლაშა ტალახაძეს ჩემი მხარდაჭერა არ სჭირდება, მაგრამ მაინც ასეთი წერილი გამომივიდა, რადგან მართლა არ მომეწონა მასზე

თავდახმა. უფრო იმათმა გამაკვირვეს, რომლებსაც პატივს ვცემ.

ლაშა, წარმატებებს, არაერთ გამარჯვებასა და სიმშვიდეს გისურვებ!", - წერს ჩანადირი.