2015-06-16 11:11

სამაუწყებლო კომპანია "რუსთავი-2"-ის საინფორმაციო სამსახურის უფროსი გიორგი ლაფერაშვილი "კურიერის" ვერეს ხეობიდან გაძღოლის შესახებ გამოთქმულ კრიტიკულ მოსაზრებებს ეხმიანება და მათ პასუხობს, ვისაც იდეა არ მოეწონა.

შეგახსენებთ, გუშინ დიკო ჯოჯუა და ზაალ უდუმაშვილი "კურიერს" არა სტუდიიდან, არამედ ვერეს ხეობიდან უძღვებოდნენ, რასაც არაერთგვაროვანი რეაქცია მოჰყვა "ფეისბუქში". საქმეში მეტნაკლებად ჩახედული მომხმარებლები წერდნენ, რომ ეს აპრობირებული მეთოდია მსოფლიოს წამყვან მედიასაშუალებებში და რომ წამყვანის ყოფნა შემთხვევის ადგილზე ზრდის სანდოობას იმ ამბისადმი, რასაც ეს წამყვანები ჟურნალისტებთან ერთად ჰყვებიან, თუმცა, ინტერნეტმომხმარებელთა ნაწილმა ეს მანევრი შოუდ აღიქვა და გადაწყვეტილებას "იაფფასიანი ვიზუალური ეფექტი" უწოდა.

გიორგი ლაფერაშვილი:

"გუშინ ყველა გეოლოგი იყო, დღეს ყველა სცენის დეკორატორია... გენიოსია გოგლა ლეონიძე- მარიტა რომ გვქია და უღვთოდ ლამაზი ხარ- ეგეც საკმარისი მიზეზია იმისთვის, რომ მთელმა სოფელმა ტალახი გესროლოს. თან ისე, რომ ამ ტალახის სროლაში პირველობაზე ჰქონდეს პრეტენზია.

სინამდვილეში კი არავითარი მნიშვნელობა არ აქვს სად ვიდექით დღეს და რას ვაშუქებდით გუშინ. მთავარი მაინც ის უბედურებაა, რაც ამ ქალაქში მოხდა. და საფიქრალიც მხოლოდ ის, როგორ დავაღწიოთ თავი ამ კატასროფის შედეგებს.

თუ "კურიერმა" შეგაწუხათ, ტელევიზორის ხმას ჩაუწიეთ- ჩუმად ყოფნა დიდხანს არ მოგიწევთ- შარდენიდან და სანაპიროს რესტორნებიდან მოტანილი შრიალის ხმას ქარი ისედაც მოიტანს თქვენამდე.

ბოდიში თუ ვერ აგყვებით პოლემიკაში - უნდა დავიძინო- ხვალ დილიდან ისევ სამსახურში უნდა ვიყო და ჩემი საქმე ვაკეთო. მიხარია, რომ ასეთი უფრო მეტია- ზოგი მზიურში წავა და დღეს დაწყებულ საქმეს გააგრძელებს. ზოგი ოფისში და იქიდან შეეცდება ამ ქვეყნისთვის რამე სასარგებლო გააკეთოს", - დაწერა გვიან ღამით გიორგი ლაფერაშვილმა "ფეისბუქზე". 

განხილვას სხვადასხვა გამოხმაურება მოჰყვა, მათ შორის, ასეთიც: