2014-10-27 14:47

როგორც დეკანოზი დავით ისაკაძე აცხადებს, მამაკაცმა ოჯახში თავისი უპირატესობა სამართლიანობით უნდა მოიპოვოს.

„მამაკაცის მიმართ ცოლის მორჩილებაში არ იგულისხმება მონობა.

უფალი  საოჯახო საქმეებს  მამაკაცსა და  ქალს შორის  ჰარმონიულად ანაწილებს, მაგრამ  საბოლოო ჯამში გადაწყვეტილების მიღებაში უპიტრატესობას მამაკაცს ანიჭებს.

ოღონდ ამ გადაწყვეტილებას ქმარი ცოლთან შეთანხმებით უნდა იღებდეს. თუ ეს ჰარმონია ირღვევა, ოჯახიც რღვევის საფრთხის წინაშე დგება.

ცოლი არის მამაკაცის საუკეთესო ნაწილი, თავის დროზე ევა ადამის ნეკნიდან შეიქმნა, ანუ ადამის ხორცის ნაწილია, როგორ შეიძლება საკუთარ ნაწილზე  ძალადობა, როგორ შეიძლება მას ისეთი რამ აკადროს კაცმა, რაც მისსავე ღირსებას შელახავს.

მამაკაცმა თავისი უპირატესობა ოჯახში იმით კი არ უნდა მოიპოვოს, რომ ქალზე ძლიერია, არამედ თავისი სამართლიანობით!“ - განაცხადა მამა დავითმა.

მისივე თქმით, არასამთავრობო ორგანიზაციების მიზანი დაჩაგრული ქალის დაცვა კი არ არის სულ სხვა რამ არის.

„აი, ახლაც, „პროტესტს“ იწყებენ თემით, რომ  ილიას უნივერსიტეტში მოხდა საშინელება, ქმარმა მოკლა ახალგაზრდა  ლექტორი ცოლი და იქვე აბამენ სხვა თემას, რომ ქალები არასაკმარისად არიან წარმოჩენილი ხელისუფლებაში! 

დასავლური გრანტებით ნაკვები ეს არასამთავრობოები, მიზანმიმართულად ებრძვიან  ოჯახის ინსტიტუტს და ამ მიზნით წინა პლანზე წევენ ქალთა უფლებებს.

არასამთავრობოების ბოროტი მიზნები მარტო ქალის მამაკაცთან დაპირისპირებით არ ამოიწურება, რადგან  მათი მიზანი ოჯახის ინსტიტუტის მოშლაა, ცდილობენ ოჯახში მაქსიმალურად შეიტანონ უთანხმოება და დამატებით – შვილები დაუპირისპირონ მშობლებს.

ჩვენ ყველაფერი უნდა გავაკეთოთ, რომ ჩვენი თვითმყოფადობა, ნაციონალური იდენტობა და სარწმუნოება შევინარჩუნოთ.

საზოგადოება, კი გვერდში იმ ჯანსაღ ძალებს უნდა დაუდგეს, ვინც ასე ფიქრობს და აზროვნებს“, - დასძინა მამა დავითმა.

„ასავალ-დასავალი“