-
2014-09-22 12:15
მომღერალი ნინა წკრიალაშვილი „რუსთავი 2“-ის ახალ არხზე გადაცემას „გარდერობი“ წაიყვანს. მისი თქმით, ყველა ცნობილი ადამიანის გარდერობში შეიხედავს, რაც საზოგადოებას დააინტერესებს.
„ambebi.ge“-სთან ინტერვიუში მომღერალი ამბობს, რომ ყველაზე ძალიან გია სურამელაშვილის გარდერობში შეხედვა აინტერესებს.
„მამაკაცებიდან ძალიან მაინტერესებს გია სურამელაშვილის გარდერობი. უცნაური კოსტიუმები აქვს, გიას ალბათ ერთი კვირეული უნდა მივუძღვნა. რაც შეეხება ქალებს, ქეთა თოფურიას გარდერობში შევიხედავდი. თუმცა აქ არ ცხოვრობს და ძნელი იქნება მისი ჩაწერა. მომწონს ქეთას იმიჯი, სასცენო, ქუჩის“, - აცხადებს წკრიალაშვილი.
მისი თქმით, გადაცემაში სპეციალური იმიჯი არ ექნება და ის ეცმევა, რაც აქამდე, თუმცა გია სურამელაშვილთან სტუმრობისთვის განსაკუთრებულად მომზადებას აპირებს.
„გია სურამელაშვილთან რომ წავალ, ჩავიცვამ მაქსიმალურად დიდ დეკოლტეს და შევადარებ, ჩემი უფრო დიდია თუ გიასი (იცინის). დანარჩენი სეზონს, ხასიათსა და წონას გააჩნია“, - ამბობს მომღერალი.