2020-03-07 11:07

ინფექციური საავდმყოფოს დირექტორის, მარინა ეზუგბაიას განცხადებით, საქართველოში კორონავირუსის მე-10 შემთხვევა დადასტურდა.

მისი თქმით, პაციენტს კონტაქტი ჰქონდა ინფიცირებულ პაციენტთან.

"ეს არის ერთ-ერთი კონტაქტი, რომელიც ჩვენს ცენტრში, როგორც დადასტურებული ისე შემოვიდა. გუშინ დადსტურდა კონტაქტების კვლევის შედეგების მიხედვით. მეოთხე დადასტურებული შემთხვევის ჯგუფიდან არის ერთ-ერთი კონტაქტი",- თქვა მარინა ეზუგბაიამ.

მისი თქმით, ამ ჯგუფთან კონტაქტში მყოფი პირების კვლევა გრძელდება. დღეს ტესტირება კიდევ 17 ადამიანს ჩაუტარდება. 

რამდენიმე წუთის წინ კი  დადასტურდა ინფორმაცია, რომ საქართველოში კორონავირუსით ინფიცირების 12 შემთხვევაა .

aმის შესახებ ინფორმაცია მთავრობის მიერ შექმნილ სპეციალურ ვებ-გევრდზე stopcov.ge-ზე გამოქვეყნდა.

ამასთან, ვებ-გვერდზე გამოქვეყნებული ინფორმაციიდან ირკვევა, რომ კარანტინის რეჟიმში 140 ადამიანია, ხოლო სტაციონარში მეთვალყურეობას 42 ადამიანი გადის.