-
2015-08-10 00:45
ჟურნალისტი ია ანთაძე, როგორც თავად წერს, ჩამჭრელ კითხვას სვამს და ამ კითხვას იმავე სტატუსში თავადვე პასუხობს. საკითხი ისევ "რუსთავი-2"-ის მხარდაჭერას ეხება.
"ერთი ჩამჭრელი კითხვა მაქვს იმ ადამიანებთან, რომლებიც ზოგადად სიტყვის თავისუფლებაზე აკეთებენ აქცენტს და, სინამდვილეში, კონკრეტულად "რუსთავი 2"-ის სიტყვის თავისუფლებას გულისხმობენ: "იმედის" ქონება რომ დაეყადაღებინათ, ასევე აქტიურად დაიცავდით "იმედის" სიტყვის თავისუფლებას? 1000%-ით - არა! იმიტომ, რომ "იმედის" ღირებულებები, "იმედის" შინაარსი მიუღებელია "რუსთავი 2"-ის დღევანდელი აქტიური დამცველებისთვის.
ამიტომ, კარგი იქნება, რომ გულწრფელად ვთქვათ, ვინ რას ვიცავთ. ბევრად უკეთესი საუბარი გამოგვივა და, იქნებ, ბოლოს გავუგოთ კიდეც ერთმანეთს. პირადად მე ვიცავ კრიტიკის უფლებას, მაგრამ არ ვიცავ ტყუილის თავისუფლებას და, ასევე, ვერასოდეს დავიცავ უწიგნურობის აპოლოგიას", - წერს ია ანთაძე.