2015-08-08 21:11

პოლიტოლოგი გია ნოდია „რუსთავი-2“-თან დაკავშირებით დაწყებულ მოვლენებს ეხმიანება. "ფეისბუქზე" ის სტატუსს აქვეყნებს.

"ორმაგი სტანდარტი ადამიანისთვის ბუნებრივია და არ უნდა გაგვიკვირდეს. ვინც მოგწონს და ვინც არ მოგწონს, სრულიად სხვადასხვა საზომით აფასებ და ამ დროს გულწრფელი ხარ.

მაგრამ გონებამ (იგივე კრიტიკულმა აზროვნებამ, რომელიც საბოლოოდ სინდისსაც უკავშირდება) რაღაც ზღვარი მაინც უნდა დააწესოს, რომ მთლად "მაწონი შავიაო" არ თქვა.

რა თქმა უნდა, განსაკუთრებით 2004 წლიდან (თუმცა, სინამდვილეში, უფრო ადრეც) "რუსთავი-2" პოლიტიკურად ანგაჟირებული ტელევიზია იყო და არის. მაგრამ როდესაც ბადრის "იმედის" ან ბიძინას "მე-9 არხის" ყოფილი ჟურნალისტი ამას "რუსთავს" უკიჟინებს და თვითონ "მიუკერძოებლობის" მანტიაში ეხვევა, ეს ნიშნავს, რომ კრიტიკული აზროვნება ძალიან, ძალიან დაბალ ნიშნულზე აქვს (სინდისის კომპონენტზე აქ ყურადღებას აღარ გავამახვილებ)“, - წერს გია ნოდია.