2015-06-17 20:42

საქართველოს ვიცეპრემიერი კახა კალაძე აცხადებს, რომ აუცილებლად უნდა დადგინდეს და არა დაბრალდეს ვინმეს ის, რაც დღეს დილით მოხდა (ვეფხვის თავდასხმა ადამიანებზე). მისი თქმით, გებულობს, რომ დატრიალებულ ტრაგედიაზე პასუხისმგებლობა ზოოპარკის დირექტორმა აიღო, რაც უხერხულია. 

"ვიმყოფები სამეგრელოში და ვგებულობ დილას დატრიალებულ ტრაგედიაზე პასუხისმგებლობა აიღო ზოოპარკის დირექტორმა თავის თავზე. ვხედავ ხალხის აღშფოთებას და კვლავაც ვიმეორებ - უნდა ჩატარდეს გამოძიება და დადგინდეს როგორ მოხდა ეს ტრაგედია. უნდა დადგინდეს და არა დაბრალდეს!

როცა ხდება ესეთი მასშტაბური ტრაგედია, როცა ხდება ასეთი უბედური შემთხვევა, როცა მთელი ქალაქი, ქვეყანა ნერვებზეა და ჯერაც შოკიდან არ გამოსულა, უბრალოდ უხერხულია ეს ყველაფერი რაც ახლა ხდება. 

მე ყოველთვის ვამაყობდი, რომ მიღწევები არის გუნდური, მე ყოველთვის ვიამაყო უნდა, რომ პასუხისმგებლობაც გუნდურია. ვწუხვარ, კიდევ ერთხელ სამძიმარი დღეს დაღუპულს...", - წერს კახი კალაძე.