დაახლოებით ნახევარი საათია, ფალიაშვილის 52-ში სპეცოპერაცია მიმდინარეობს. სავარაუდოდ, სამართალდამცვალები კიდევ ერთ მტაცებელ ცხოველს, წინასწარი ინფორმაციით, ვეფხვს ეძებენ.
მტაცებელი ცხოველი საცხობ "გურულების" მზარეულმა ფანჯრიდან დაინახა და 112-ს სეატყობინა. გოგონა სტრესშია და ამ დრომდე ჟურნალისტებთან არ გამოჩენილა. როგორც შსს-ს პრესსამსახურის ხელმძღვანელი ნინო გიორგობიანი აცხადებს, სპეცრაზმელებს ჯერ ცხოველი არ უნახავთ, გოგონა-თვითმხილველი კონტაქტზე არ გასულა არც პოლიციასთან. მისივე თქმით, ადგილობრივები არ ადასტურებენ, რომ პერიმეტრზე ნადირია.
ადგილზე მობილიზებულია პოლიცია, გამოიძახეს დამატებითი ძალები, თუმცა, ამ დრომდე ცხოველის კვალს ვერ მიაგნეს. კორპუსში მცხოვრებთა ევაკუაცია არ მომხდარა. ადგილობრივები ჰყვებიან, რომ ცხოველი აქ გუშინაც შენიშნეს.
სპეცრაზმელები ამ დროისთვის სარდაფში, სადაც, სავარაუდოდ, ცხოველი მიიმალა, სპეცოპერაციას ატარებენ.
"კურიერი"
