2015-03-09 13:54

მსახიობი, რეჟისორი და სცენარისტი ოთარ კობერიძე 90 წლის ასაკში გარდაიცვალა. ამის შესახებ საქართველოს კულტურისა და ძეგლთა დაცვის სამინისტრო იუწყება და გარდაცვლილის ოჯახსა და ახლობლებს უსამძიმრებს. 

სამინისტროს ცნობითვე, პანაშვიდები 10-11 მარტს გაიმართება. ოთარ კობერიძეს დიდუბის ეკლესიიდან, ხუთშაბათს 12 მარტს, 15.00 საათზე გამოასვენებენ. 

ოთარ კობერიძე დაიბადა თბილისში 1924 წლის 17 დეკემბერს. მსახიობმა ქართულ ფილმებში 50-ზე მეტი როლი ითამაშა. ბევრ ფილმში მას პარტნიორობას მეუღლე - ქართველი მსახიობი ლია ელიავა უწევდა. 

პანაშვიდები 10-11 მარტს გარდაცვლილის ბინაში გაიმართება. (ირაკლი აბაშიძის ქუჩა N10, II სადარბაზო, ბინა 26, სართული V)

გამოსვენება დიდუბის ეკლესიიდან, ხუთშაბათს 12 მარტს,15.00 საათზე.