თბილისის საკრებულოს დეპუტატმა ალეკო ელისაშვილმა განაცხადა, რომ ამჟამად საკრებულოს ბალანსზე არსებულ ავტომანქანებს და მათ ხარჯებს ითვლის. მომავალში კი კვლავ დააყენებს საკითხს, ანალოგიური ხარჯების შემცირების შესახებ.
„თითოეულ კაპიკს გაფრთხილება სჭირდება. იყო სიაბანდი ინიციატივები ქამრების შემოჭერაზე, მაგრამ ქვეყანას რეალურად ქამარშემოჭერილი ხელისუფლება და ადმინისტრაცია სჭირდება.
ჩვენ ვცხოვრობთ ქვეყანაში, სადაც ხელისუფლების წარმომადგენლები თავიანთ პოსტებს და თანამდებობებს ზომავენ არა პასუხისმგებლობით და მისი ტვირთით, არამედ ჯიპების სიდიდით და სიძვირით.
ჩემი ინიციატივის არ მოწონება იმას არ ნიშნავს, რომ გავჩერდები და ხელებს ჩამოვყრი. ახლა ყველაფერს ვაზუსტებ. ჩემი წინასწარი ინფორმაციით, საკრებულოს 38 მანქანა ემსახურება, რაც არანორმალურია. მხოლოდ საწვავში იხარჯება დაახლოებით 432 ათასი ლარი.
დღეში დაახლოებით იმდენს ხარჯავს საკრებულოს ერთი მანქანა, რამდენსაც საპატრულო ეკიპაჟი 24 საათის განმავლობაში”, – განაცხადა ელისაშვილმა და აღნიშნა, რომ ყველაზე მეტი საწვავი იმ პერიოდში იხარჯება, როდესაც წესით დეპუტატი, რომელსაც ავტომანქანა ემსახურება სამსახურში უნდა იყოს ან არის.
„ასევე წინასწარი ინფორმაციით, შიხიაშვილს ორი პერსონალური ავტომანქანა ემსახურებოდა.გაუ გებარია საკრებულოს ახალი თავმჯდომარის განცხადება, ასეთ რაღაცეებზე ქვეყნის დამშვიდების შემდეგ რომ იფიქრებენ. პირიქითაა ეს ყველაფერი...
ქვეყანა არ დამშვიდდება არასდროს ავთო ბერიძეები თუ ჯიპებით ივლიან და ჩათვლიან, VIP პერსონა ვარ და როგორ არ უნდა მყავდეს ამხელა ჯიპიო”, – განაცხადა ელისაშვილმა.
