2014-07-15 10:24

დეპუტატ ალეკო ელისაშვილის განცხადებით,  ახალ საკრებულოს ჰქონდა შანსი და ჯერჯერობით კიდევ აქვს, რომ პერსონალურ ავტომობილებზე უარი თქვას.

„მე არ დამაკმაყოფილა საკრებულოს თავმჯდომარის, გიორგი ალიბეგაშვილის პასუხმა იმიტომ, რომ როგორც ჩანს, საკრებულო ისევ ვერ შეელევა ამ ავტომობილებს, მერე ამას მოჰყვება პრემიები, გამოჩნდება ახალი შიხიაშვილი და ასე შემდეგ.

არ მინდოდა პოპულისტურად გამომსვლოდა, არ ვიყავი საქართველოში და ვერ შევთავაზე კარგად, რომ მათი ინიციატივა ყოფილიყო. მე მართლა მიმაჩნია, რომ საკრებულოს წევრებს არ უნდა ემსახურებოდეს მანქანები, არც თავმჯდომარეს. თავმჯდომარემ სხვას მაგალითი უნდა მისცეს“, - განაცხადა ალეკო ელისაშვილმა.